陰道炎嘅症狀？6種常見陰道分泌物｜呢隻顔色要小心！

下體傳出異味嘅症狀

1. 容易流汗體質  由於人體陰部位置嘅皮膚皺褶較多，又會有多層衣物去覆蓋，令陰部位置好容易出汗；如果陰部位置大汗，再加上陰部嘅毛髮混合一齊，經常整濕內衣物，容易滋生細菌散發出腥臭味，引起痕癢。
   

2. 陰道內痕癢  女性下體有異味，可以通過加強清潔皮膚去保持衛生，減少異味產生。但過分嘅清潔，會破壞下體原有嘅PH值，陰道嘅酸鹼值變得唔平衡，加快壞菌嘅繁殖，令到陰道會變得更加痕癢不適。
   

3. 散發魚腥味、尿騷味 最常聽嘅異味係魚腥味、尿騷味；而魚腥味90%機會係因陰道感染而引起，例如陰道炎、外陰炎等；而尿騷味大部分情況係因為女生去小便後冇抹乾淨，殘餘嘅尿液沾上內褲或下體而所引致。 

---

陰道炎三大類別

📌 以上圖片顯示3種常見嘅陰道炎

1. 細菌性陰道炎 主要症狀：分泌物偏黃偏水同有異味。
   

2. 念珠菌（黴菌）陰道炎 主要症狀：分泌物會偏白色渣狀，通常會令外陰部痕癢。
   

3. 陰道滴蟲感染陰道炎 主要症狀：一種性傳染疾病，典型分泌物為綠色泡沫狀分泌物。

---

6種常見嘅陰道分泌物

1. 大量水狀分泌物呈灰白色且帶有魚腥味 可能係陰道菌落不平衡導致的細菌性陰道炎。
   

2. 黏稠、白色塊狀、氣味正常 可能係陰道酵母菌感染。
   

3. 分泌物流量增加，普遍呈現黃白色 可能係披衣菌、黴漿菌或淋病感染，而淋病感染會比前披衣菌/黴漿菌更常流出黃綠色分泌物。
   

4. 大量黃綠色、呈水狀發泡並帶有惡臭嘅分泌物 可能係滴蟲病，由陰道毛滴蟲嘅小寄生蟲所引起嘅傳染病，會造成女性陰道或男性尿道發炎。
   

5. 大量白色、顆粒狀、氣味正常的分泌物 分泌物會有結塊，像變壞嘅牛奶/豆腐渣，原因係乳酸桿菌過度分泌，特別容易有痕癢感覺。
   

6. 並非生理期卻帶血/咖啡色嘅分泌物 可能係性傳染或子宮頸不正常細胞導致，但係非生理期有任何不明原因嘅出血都應該盡快搵醫生諮訽，以免感染。

📌 以上圖片顯示6種常見嘅陰道分泌物

如果患上陰道炎，需要儘快搵專業嘅醫生檢查診斷，避免自行搽藥/ 放仼唔理，以免感染部位擴散。